香港眾志羅冠聰、黃之鋒早前應「台獨」組織「時代力量」邀請赴台，遭到兩地民眾憤怒痛斥，而另一「台獨」組織、曾邀請「港獨」本民前去台灣交流嘅基進黨，總召集人陳奕齊日前又同傳媒叫囂話，今年計劃同香港「獨」派加強交流，仲可能將交流定期化同常態化，或者會因為重大議題，例如香港三月嘅特首選舉，進行交流喎。佢仲口出狂言，佢哋要往「獨」嘅方向走。
所以話，社會一定要譴責「港獨」，否則就會變本加厲。本民前上年十月應邀出席基進黨活動，而家呢個「台獨」組織仲話要同「港獨」組織恆常交流，兩「獨」合流，咁猖狂？鄭晴相信，呢啲分裂國家嘅陰謀，一定會受到市民唾棄。
