大公產品

首頁 > 产品 > 港东港西 > 正文

譚志源:立會補選要等暑假後

時間:2017-01-09 03:15:12來源:大公網

  「青年新政」梁頌恆及游蕙禎喪失資格後,正式成為「已完」,但係人哋連水都未回,反對派就對出缺的席位虎視眈眈。咁到底幾時會進行補選?政制及內地事務局局長譚志源尋晚出席活動嘅時候就話,梁、游上訴案嘅司法程序仲係進行式,相信會持續一段時間,加上選管會三月要處理特首選舉同更新選民登記冊,好多工作要做;去到五、六月又撞正學校考試好難Book場做票站,覺得最快可能暑假或之後先有得選。哇,反對派一定等到頸都長啦。

  事實上,好多反對派「已身先士卒話要衝入閘」,繼民協前立法會議員馮檢基後,「社會主義行動」主席鄧美晶前幾日亦表態話「積極考慮」參選九西補選,尋日仲擺街站宣傳。

  另外,梁、游上月底到高院申請終極上訴許可,但二人需在今日截止期前提交160萬元訟費保證金才可繼續上訴,呢排有記者見到游蕙禎愁容滿面,預計佢哋應該籌唔夠錢打官司。

最新要聞

最新要聞

最受歡迎