錯過咗阿強今日嘅街站都唔緊要，下星期仲有機會!
大公網1月7日訊 農曆新年就嚟到喇，唔少立法會議員同區議員都鍾意擺嚇街站，寫揮春俾街坊看門口，同大家共渡新歲。工聯會郭偉強（阿強）今日就喺北角和富中心擺街站，同街坊朋友拜個早年。不過未搵到阿強寫揮春嘅朋友都唔駛怕，阿強嚟緊星期六下晝同下星期一嘅上晝仲會分別喺新光戲院門口同渣華道街市門口再寫過，有興趣嘅朋友記得到時去攞返張喇！
另外，鄭晴之前喺活動同新民黨容海恩（Eunice）同新社聯嘅李世榮（Stanley）傾開，Stanley話最近都好畀心機練字，之後新春活動可以一技旁身，又問Eunice手字練成點。Eunice就講笑話，佢手字已經隨時ready，不過就比較有特色。講講嚇，佢地仲話，原來民建聯周浩鼎Holden手字仲靚，搞到鄭睛都心思思，好想見識下各位即席揮毫，攞返張揮春順便幫屋企新春布置做定準備嘛。
