圖:兩位長跑教練潘永成(左)、黎可基(右)向參賽者教路,跑緊中途要記得補充水分
星期日朝早就係第四屆嘅香港街馬賽事,今年除咗以往嘅十公里同半馬賽事,更加首次增加32.195公里賽事。運輸署嗰日凌晨一點至中午十二點半會喺九龍分階段封路,亦會有臨時嘅交通同公共運輸安排,想去參賽或者睇比賽嘅朋友就記得留意喇。
今年參加比賽嘅人數由舊年嘅一萬人上升至今年一萬五千人,為咗方便大家當日出入,「起動九龍東」辦事處開發嘅MyKE手機應用程式到時會有穿梭巴士、渡輪等預計輪候時間、交通工具排隊情況畀市民收睇附近嘅交通資訊,今次嘅支援亦為「起動九龍東:推動智慧城市發展」做好準備。
有專業教練就教路,話比賽當日都預咗會人多,所以佢比賽開始前一個鐘就會先去到場地,用三個字時間慢跑、拉筋,做好熱身。教練亦建議跑手比賽前飲300至500毫升水,跑緊中途都要記得補充水分,不過每次經過水站飲一啖就夠喇。