體育、演藝、文化及出版界立法會議員馬逢國去咗省港杯足球賽捧場，佢話省港杯又係同好朋友見面嘅機會。馬生最開心係同中國足球近代嘅代表人物容志行共聚一堂，「他可以說是我的偶像！」馬生介紹話，容志行全盛時期為廣東隊同國家隊馳騁過百場國際賽事，係華南地區技術流足球代表人物之一，看見他又會回想起他當年嫻熟嘅腳法，靈活嘅身影，個人突破闖關猶如探囊取物。
講返省港杯賽事，馬生話場上兩隊表現都好精彩，首先佢恭賀廣東隊奪得冠軍，但香港隊今次以青年球員為骨幹應戰，表現亦相當可人，雖敗不辱。佢又希望日後香港代表隊可以有更多青年才俊接班成為「大港腳」，為香港爭光。
