圖：鄭泳舜（左）、何俊賢（右）尋日一齊視察深水埗附近環境/網上圖片
就快到農曆新年，唔少地區都會有小販、墟市，深水埗區之前就喺楓樹街球場舉辦墟市同嘉年華，今年仲想再添食。民建聯漁農界立法會議員何俊賢（Steven）尋日就同深水埗區議員鄭泳舜（Vincent）一齊視察深水埗附近環境。
佢哋兩個行行嚇就去咗九江街。Vincent話，因為區內對乾貨墟市有需求，所以一年幾前就開始喺嗰度搞乾貨墟市。佢哋之後去咗通州街睇天橋底嘅熟食墟市選址。Vincent同佢講，通州街附近有南昌邨同富昌邨，所以人流夠曬旺。Steven睇完之後話，如果通州街嘅墟市模式成功，第日要搵Vincent去其他地區幫手添。
