圖：陳繁昌拍片玩「你問我答」，與學生加強互動 Facebook截圖
香港科技大學校長陳繁昌貼近年輕人口味，拍片大玩最近潮興嘅「你問我答」，仲放喺科大嘅Facebook，一於與同學仔打成一片。鄭晴見啲同學問嘅問題都幾多樣化，當中有人好搞笑咁問陳校長讀書時係「乖學生、勤力學生、還是曳學生」。陳校長係咁回答嘅：「我話我係乖你都未必信啦」，佢就指自己雖然唔係頑皮，但都有好多興趣，「百足咁多爪」，鍾意打波、篤球，所以唔係經常去「摺拉」（喺圖書館睇書）；又有學生問科大有咩好嘢食，陳校長就推介港式奶茶、蛋撻、四川麻辣牛肉麵，佢自己就鍾意食清真烤雞肉喇。
