本土民主前線梁天琦（西瓜琦）去年九月參選立法會選舉被DQ後，曾揚言要提呈司法覆核推翻選舉結果，但佢尋晚喺網台直播節目上就打退堂鼓，話傾向唔打落去，因「無乜意思，打落去好大機會會輸，費事勞民傷財」，又承認人大已就基本法104條釋法，佢嘅選舉呈請確認書嘅官司贏面都好細，除非梁游贏到終審官司咁話，連昔日盟友都唔撐！其實說穿了咪又係錢作怪，「港獨」聲勢今時唔同往日，「本民前」、梁游都已變成過街老鼠，籌款籌極都唔夠兼大把數要還，梁天琦見到仲唔啦啦臨縮沙。不過，佢又話因為最近有官司在身，令佢去哈佛讀書嘅大計受阻。鄭晴惟有引用近日網民熱傳嘅金句：「我真係恭喜你呀！」
