圖：喺台北書店見到嘅宣傳單張 大公報記者攝
呢排「港獨」分子同「台獨」勢力愈行愈近，「台獨」「時代力量」本周的論壇，就邀請咗香港「自決派」立法會議員朱凱迪、姚松炎和羅冠聰，同埋香港眾志秘書長黃之鋒等人到台灣，與「時力」多名「立委」黃國昌、徐永明及高潞．以用，以及「太陽花運動」搞手林飛帆等對談。
鄭晴前排去台北休假，咁啱見到有書店與本港網媒聯合做宣傳，書店有大幅漫畫肖像同埋可以帶走嘅單張，推介兩岸三地2016年嘅「年度重要推手」。香港方面，竟然係朱凱迪入選，朱一直掛喺嘴邊嘅「票王」自然係佢最大嘅賣點，宣傳單張仲咁樣「推介」，話佢係保育重視「本土」，在鄉郊實踐「自決」。鄭晴睇完都「嘩」一聲，台灣如此硬銷香港「本土」、「自決」、「公民運動」，所為何事？
諗多一陣，聯想起立會選舉投票日前夕，林飛帆喺個人Facebook擺咗一條短片，推薦參選新界西嘅朱凱迪。不過，弔詭嘅係，林飛帆自爆其實冇見過朱凱迪，兩人素未謀面，林都如此落力跨海助選，係咪有古怪呢？如今「自決派」即將赴台與林對談了，然後連台灣本地嘅書店都為朱凱迪宣傳，台灣方面仲言之鑿鑿話無介入香港事務，真係無人信囉！
