大公產品

首頁 > 产品 > 港东港西 > 正文

顏汶羽新年四大願望

時間:2017-01-04 03:15:22來源:大公網

  圖:顏汶羽(左)不時喺社交網站分享同太太嘅生活點滴/顏汶羽Facebook專頁

  人生有幾多個十年?唔經唔覺,青年民建聯主席顏汶羽今年已經踏入從政第十年。新年伊始,顏汶羽喺自己Facebook專頁分享自己從政嘅原因同埋新年願望。佢話,當初自己入行嘅原因,係希望做好政策,亦唔會忘記研究工作同地區工作係不可或缺、不能切割,仲寫咗句「攀登高峰 是敢於歷險!」嚟勉勵自己添。

  顏汶羽話,自己今年有四個願望。第一係善用自己嘅研究能力,搵出社會問題原因,對症下藥,建言立諫,做好政策研究工作;第二係多啲落區聽意見;第三係希望青年民建聯做好搭建平台角色,令更多年輕人有機會參政議政,同埋認識民建聯真正嘅一面。

  顏汶羽話,從政者從來都係工作先行,忽略家庭。雖然自己有家人默默支持,但都知道佢哋唔會淨係想喺電視同報章上見到自己,或者淨係用電話溝通。所以,佢嘅最後一個願望,係希望學業、工作同生活要有更好嘅平衡。希望顏汶羽能夠願望成真,新一年家庭事業兩得意啦。

最新要聞

最新要聞

最受歡迎