香港地點樣先至買到樓？幾時係上車時機？相信係唔少後生打工仔關心嘅問題。立會財委會主席、保險界議員陳健波（波哥）後生嗰陣都做咗好耐嘢先買到樓，佢喺80年代買入荃灣中心400呎嘅第一個單位，之後每三、四年就換一次樓，真係好多買樓經驗可以分享下。波哥尋日就喺個人Facebook上載咗段片，教下大家「買樓基本功」。波哥話，香港買樓的確係難，而家要唔要買樓，就要睇下自己嘅情況，供得起又要住先好買，佢又建議大家細細間上咗樓先，再努力儲錢，將來樓價跌，就有機會細樓換大樓。波哥又預告，下次會講下點樣借按揭先穩陣，等大家供得無咁辛苦，有心上車嘅人真係要留意啦。
