畀政府入稟DQ嘅社民連立法會議員梁國雄（長毛），前排喺民陣集會竟然稱「再被人逼兩逼，我真是出來選（特首）」，佢之後又寫文質疑部分反對派選委嘅「造王」策略，建議反對派派人參選特首，並投白票抗議。長毛要咁做，很明顯是想搞下局，撈取政治本錢，不過有唔妥長毛嘅反對派中人攞番啲陳年舊事出嚟講，就係10年前長毛曾經反對公民黨梁家傑參加特首選舉，又鬧過對方係「民主罪人」。睇嚟長毛都要花時間解釋自己做乜「失憶」喇。
