大公產品

首頁 > 产品 > 港东港西 > 正文

Ann姐 關新偉 識英雄重英雄

時間:2017-01-04 03:15:21來源:大公網

  圖:Ann姐(左一)同關新偉(左二)早前暢談最近香港政局/蔣麗芸Facebook圖片

  咩叫識英雄重英雄?民建聯立法會議員蔣麗芸(Ann)同香港政研會嘅關新偉就係表表者。阿Ann尋日喺Facebook專頁發帖文,話自己同最近喺立法會選舉期間先相識的九西候選人關新偉等人聚會,暢談最近香港政局,仲大爆身為生意人的關新偉突然參選立法會嘅原因,其實講到尾,都係一個「義」字。

  原來喺「佔中」時,關新偉見到反對派煽動人犯法堵路,覺得非常憤怒,「好想發聲鬧爆啲反對派,所以就去參選!」仲因為睇唔過眼反對派嘅言行,最近更加同班Friend合拍咗條諷刺現實嘅短片。

  短片諷刺反對派只為錢

  條短片內容係講一位爸爸,打算元旦日同女兒飲茶,但個女就以聽唔明嘅「鴨脷洲口音」回敬,話唔要飲茶要遊行,仲抱住「爛鞋盒」話要當街籌款。呢位爸爸更是大惑不解,何以籌完又籌款,阿女就回答:「我哋開會飲紅酒都要錢㗎嘛」,諷刺民陣年年元旦遊行見到最多唔係示威者,係籌款箱,有理無理係唔係都反嘅原因,其實只係為個「錢」字!條片引來不少網民瘋傳,大讚非常寫實,連Ann姐睇完都忍唔住喺Facebook「些牙」(分享),仲話支持政研會「繼續為正義發聲!」

  鄭 晴

最新要聞

最新要聞

最受歡迎