大公產品

首頁 > 产品 > 港东港西 > 正文

錯過「月合金星」?今日仲有120粒流星雨睇

時間:2017-01-03 03:15:10來源:大公網

  圖:鄭晴發現月亮隔籬多咗粒好閃亮嘅星星,Google下先知原來係叫「月合金星」/網上圖片

  鄭晴尋晚抬頭仰望天空,竟然發現月亮隔籬多咗一顆好閃亮嘅星星,好似月亮嘅嘴角長出一粒痣咁。鄭晴即刻攞出手機Google下,原來呢個係一種叫做「月合金星」嘅天文現象。「月合金星」每30日就會出現一次,尋日天朗氣清,所以由傍晚五點幾開始,便可以用肉眼看到金星與月亮「相互依偎」嘅景象。

  唔少細心嘅網民都發現咗呢個有趣現象,喺Facebook上展開熱話。有網友話,好似微笑嘅月亮帶發光嘅星星去玩咁。有啲網友又好浪漫,話「微笑的上玄月旁邊還有一顆亮眼的星星守護者,看着看着都讓人融化了」。仲有啲網友好有詩意,話唔知呢種現象叫咩名,所以畀佢個名叫做「溯洄從之 道阻且長」,就好似已故台灣歌手鄧麗君首歌唱道「我願逆流而上,依偎在他身旁」。

  其實除咗「月合金星」外,市民今日抬頭都有機會睇到另一天文現象,就係好高欣賞指數嘅「象限儀座流星雨高峰」,聽講流星雨最多每小時有120粒添。

最新要聞

最新要聞

最受歡迎