圖：在元旦遊行中，市民鬧爆「佔中三丑」借住遊行掠水幫四個議員打官司，係不知羞恥
反對派早排成立咗一個所謂嘅「守護公義基金」，為四個被政府提出司法覆核嘅反對派議員籌款打官司，仲聲稱喺前日嘅民陣元旦遊行籌到百幾萬。撲水成功，反對派陣營當然高興，不過有市民就相當扯火喇！
有網民尋日喺Facebook上載咗一條短片，影到「佔中三丑」戴耀廷、陳健民、朱耀明喺遊行期間被市民喪鬧。嗰位網民話「佔中三丑」不知羞恥呼籲路人捐款，「做漢奸面皮真夠厚！人不要臉真的天下無敵！」
事緣「佔中三丑」前日喺灣仔同一啲義工擺街站，呼籲市民捐款支持「守護公義基金」。由網民上載嘅一分半鐘短片見到，一批市民不斷指罵「佔中三丑」，除咗大鬧三人係「漢奸」、「乞兒」，仲粗口橫飛添，認真火滾。幾名警察隨即到場調停，分隔雙方，呼籲市民冷靜。
不過，「佔中三丑」對市民嘅批評似乎不以為然。其中，朱耀明就用揚聲器話「祝各位新年快樂、身體健康」。有睇咗短片嘅網民紛紛留言讚好，有人仲怒斥「佔中三丑」「厚顏無恥」、係「過街老鼠」添。
鄭晴
