大公產品

首頁 > 产品 > 港东港西 > 正文

陳恆鑌實測金鐘站轉車

時間:2016-12-30 03:15:14來源:大公網

  金鐘站轉車有幾難?陳恒鑌就話「寶寶都累了」

  港鐵南港島線前日通車,好多人都話轉車好複雜。身為立法會交通事務委員會主席嘅民建聯陳恒鑌(Ben)前日就喺金鐘站實地測試轉車路線,連佢都話轉到「寶寶都累了」,唔通金鐘站真係大到好似迷宮咁?

  阿Ben喺南港島線通車當日就做咗個Live,帶一眾網民實地視察金鐘新站,入閘之後,阿Ben就選擇唔搭升降機行足六層樓梯到「南港島線月台」,但落到去先發覺原來未到目的地,仲要再轉多部電梯落去。不過,得兩部升降機似乎唔夠用,阿Ben就選擇行多啲路搵其他出路,幾經辛苦終於喺往堅尼地城月台搵到入口,落到月台搭車。不過成個過程可謂又長又辛苦呀,連阿Ben都忍唔住直呼港鐵設施完全不夠用!

  鄭晴知道,繁忙時間金鐘站轉車一向都好多人,而為咗「冧」客,港鐵就出動「靚聲王」安撫乘客情緒,不時播放歌星張敬軒同著名鋼琴家郎朗嘅月台錄音廣播,呼籲市民耐心等候。咁貼心嘅舉動,不如叫軒仔唱埋歌,等乘客等之餘又可以聽下歌啦!

最新要聞

最新要聞

最受歡迎