「柯家兵團」幫老友記義務修剪頭髮，扮靚靚過年
正所謂「除舊迎新」，新一年梗係要恤個靚髮示人，等自己有個新嘅開始。民建聯立法會議員柯創盛（柯仔）就好鬼貼心，自組咗一隊「柯家兵團」，不定期幫一班「老友記」剪髮扮靚，務求令到公公婆婆們靚絕觀塘呀。
柯仔日前喺Facebook貼了一幅相，見到一班「柯家兵團」幫觀塘區內嘅老友記義務修剪頭髮，扮靚靚過年，仲係分文不收！咁有愛心，難怪連柯仔都大讚人間有情，義工們活出「義」彩啦。
柯創盛隨後更透過Post公開「收兵」，呼籲更多市民加入柯家兵團，身體力行舉辦更多活動，為社區出一分力。鄭晴見柯仔咁為得班老友記，即使佢唔係觀音娘娘，都好想報名做佢隻兵添！
