圖：顏汶羽（右二）09年與陳鑑林（左三）等人的合照
1月1日除咗係元旦，亦係本港一年一度盛事─「國際龍獅節」，今年將有200頭醒獅匯集於廣東道舉行大型巡遊，與市民同世界各地遊客一齊歡度新年。不過唔講唔知，原來龍獅節既源頭係由前民政事務局局長曾德成同前九龍東立法會議員陳鑑林一手促成，鑑林「徒弟」、青年民建聯主席顏汶羽（Frankie）尋日仲拎返張「珍藏合照」出來，細數「龍獅節」段故。
Frankie話，龍獅節的前身原來係由觀塘區議會出來嘅，2009年時民政事務專員邀請鑑林做舞獅召集人，一齊搞個「龍騰獅躍賀新歲」，請來一百隻瑞獸為觀塘賀年。點知當日擔任主禮嘉賓嘅曾德成竟然好霸氣咁話：「一百隻唔夠，要做做夠一千隻！」於是鑑林就喺2011年1月1日兌現承諾，動員1,111隻醒獅舞動香港。
不經不覺龍獅節已經搞咗七屆，Frankie拎返09年嘅合照出來，見返當年仲好青澀嘅佢、觀塘區議員簡銘東等人，不禁慨嘆個個議員都肥曬，但鑑林就好似食咗「防腐劑」咁一啲都無老到。照咁睇嚟，Frankie應該要向「師傅」請教下養生之道喎！
