劉業強建議喺鄉議局大樓放置聖誕樹,增添聖誕氣氛。
大公網12月20日訊 (記者 周禮希)仲有幾日就係聖誕節,雖然今年天氣無咁凍,但大家都已經做好準備,歡度聖誕佳節。鄉議局主席劉業強今年就特別建議,喺鄉議局大樓中庭裝置一棵聖誕樹。劉業強話,今年都想搞搞新意思,所以就一於裝一棵聖誕樹,應下節!
呢棟聖誕樹接近兩層樓高,聽劉業強講,雖然只係租返黎,不過一啲都唔平,而且佢話裝置嘅過程相當複雜。呢棵聖誕樹同鄉議局本身嘅聖誕裝飾夾埋真係幾靚,效果咁好,貴少少都相當值得!
劉業強一開完會,同鄭晴一傾完就急急趕去機場,飛去新加坡同屋企人一齊過節喇。