大公網12月20日訊 香港眾志秘書長黃之鋒今日就喺facebook分享一條有關主席羅冠聰嘅新聞，嗰段新聞就話羅冠聰除咗要返學、去立法會開會之外，仲要去圖書館「擔擔抬抬」，因為呢個係社會服務令。咁黃之鋒就乘機「晒命」啦，話自己除咗黨務工作同埋政黨發展之外，自己每個星期都要做社會服務令，「有時都唔記得自已(己)仲係一個讀緊full-time degree既(嘅)全職學生。」咁都好曬? 喂阿哥，你煽動人哋衝入政總東翼前地，呢個係你要承擔嘅後果，學生就唔駛承擔後果呀?
不過呢，好多網民都睇唔過眼，忍唔住要揶揄一下佢。網民Fui Hung Shek話：「咁你辭左議助份工囉，點樣又要返學做功課溫書溝女示威服刑仲返工呢?！除非樣樣都hea住做啦！」另一網民肖建邦就話：「做唔到，咪辭議員(助理)。」網友都咁講，既然你咁想做全職學生，辭咗議員助理呢份工，退埋黨咪得囉！仲有呀，連自己嗰「己」字都打錯。黃之鋒，你真係返去讀書啦！
