大公網12月19日訊 香港運動員好勁！桌球好手傅家俊今次係蘇格蘭公開賽之中，一度落後但無放棄，結果一口氣連追八局，反敗為勝，成功擊敗希堅斯，奪得冠軍。特首梁振英今日就係facebook發帖，恭賀傅家俊，讚揚佢「完美體現港人永不放棄，逆境自強的精神。」
另外，一班建制派議員都立即係facebook分享傅家俊奪冠嘅新聞。民建聯劉國勳就話，唔少人會先入為主咁以為，去篤波嘅人都係三教九流。但桌 球其實係一項高水平嘅競賽運動，要求選手鬥智鬥力。佢又話，對住傅家俊一Q百幾度嘅高手，絕對要膜拜，希望今次傅家俊取得如此令人驚艷嘅成績，可以扭轉大 家對桌球運動嘅誤解。何君堯就讚傅家俊「好勁！」
香港運動員一向都係好優秀，希望香港市民能夠多啲支持佢哋，亦都希望所有香港運動員可以盡力去比賽，因為香港人就係你哋最強大嘅後盾！
