香港作為沿海城市，海濱係我哋寶貴嘅天然同公共資源，社會一直希望政府能夠做好海濱發展規劃。青年民建聯早前就進行隨機抽樣電話訪問，了解年輕市民對海濱發展嘅意見；成員之後仲約見發展局局長陳茂波，向佢提交調查報告同交換意見添。
青年民建聯主席顏汶羽就計仔多多，認為政府喺發展海濱休憩用地嘅時候，可以考慮設置墟市，令熟食、創意產物、手工藝作品甚至「飄書」活動都能夠得到空間發展。而為了令市民同遊客能夠喺遊覽海濱嘅時候，同時體驗香港地道文化，顏汶羽就建議政府可以喺唔同嘅海濱地點設立露天茶座同埋「美食車」，推廣香港嘅飲食文化。以做好研究啦。
