唐唐同主廚Billy合照
幾年前，有媒體影到全國政協常委唐英年同前金管局總裁任志剛，喺灣仔道「老巴剎廚房」包場開party，令到呢間主打東南亞fusion菜嘅餐廳人氣急升。鄭晴亦慕名幫襯過，不過，前排鄭晴路過，發覺間「老巴剎」唔見咗，覺得幾可惜。結果，收到唐唐傳媒聚會邀請，竟喺「老巴剎」交加里嘅新舖舉行喎！
唐唐話，新舖其實要1月9號先開張，今次特登請大家試下菜先。「老巴剎」主廚Billy就話，舊舖業主加租兩成，佢哋頂唔住貴租唯有另謀新舖，好彩旅發局主席林建岳畀「老巴剎」喺佢旗下嘅物業重開。
鄭晴真心覺得，新舖比前闊落好多，裝修都靚咗㗎！
