大公網12月14日訊 呢排天氣忽冷忽熱，聽日溫度會跌至15度，後日最低會跌落13度添，大家要注意保暖，唔好冷親呀！今日特首梁振英(CY)就同一班司長、局長，包括署理財政司司長陳家強、勞工及福利局局長張建宗、政制及內地事務局局長譚志源、保安局局長黎棟國、食物及衛生局局長高永文等，去咗打流感針。好多堅強嘅男人咩都唔驚，但係就最驚打針。不過呢，CY就一啲都唔驚打針，仲笑笑口添，在旁嘅高局長就幫手拉高CY嘅衫袖。CY仲係facebook發帖，叫大家「預防流感，各位市民，注意健康」。
