吳永嘉同一班工展小姐影大合照。吳永嘉就話一定係吳太最靚
第51屆工展會上星期六開幕。工展會每年除咗吸引數以百萬人次嘅市民入場掃平貨，工展小姐選舉亦都係工展會嘅亮點之一。身為廠商會第二副會長嘅工業界立法會議員吳永嘉（Jimmy）當然亦有到場支持，仲同一班工展小姐影大合照，連網民都話佢好有艷福。Jimmy亦都好識做，透過hashtag（主題標籤）表明心跡，話「#唔好問我有咩心水」、「#一定係我太太最靚」，一定氹得老婆好開心喇。
吳永嘉同一班工展小姐影大合照。吳永嘉就話一定係吳太最靚
除咗同一班工展小姐打氣之外，Jimmy亦都身體力行，響會場內消費㗎，包括健康食品、枕頭同零食，滿載而歸。佢仲同商務及經濟發展局局長蘇錦樑、廠商會永遠名譽會長施榮懷、工總主席鄭文聰等人一齊試食咗大大粒嘅咖喱魚蛋添。睇見個個都笑得咁開心，一定好好味啫。
