文｜鄭晴
唔知啲反對派議員係咪有鋪「遲到癮」呢？繼香港眾志羅冠聰影議員大合照扮大牌遲到、出席港台節目又遲到，被主持人「溫馨提示」做議員要守時，估唔到連公民黨黨魁楊岳橋（Alvin）都犯上同樣嘅錯誤，而原因竟然係「蕩失路」喎。
「堅離地」議員落區識唔識路？
尋日Alvin應邀出席港台響九龍城賈炳達道公園舉行嘅「城市論壇」，同民建聯周浩鼎等人就行政長官梁振英宣布唔競逐連任一事同場辯論，點知佢到節目開始都仲未見人。由於節目係直播，咁主持蘇敬恆就唯有先畀周浩鼎發言喇。過咗差唔多5分鐘，Alvin先索曬氣咁趕到現場。佢發言果陣首先向在場人士道歉，解釋自己因為蕩失路而遲到。
Alvin事後又解畫，自己本來係搭的士嚟賈炳達道公園，點知的士司機載咗佢去賈炳達道，搞到佢要兜個大圈先嚟到現場，仲話自己上一次嚟呢度已經係幾年前，今次係自己第一次以嘉賓身份出席節目，所以認唔到路。
鄭晴聽落，感覺只有「堅離地」三個字，唔知佢平時落區見街坊又會唔會咁失魂呢？
