大家不嬲都知立法會議員好多都身兼多職，卧虎藏龍，不過估唔到能言善辯嘅背後，原來仲有好多人係體壇健將。尋日民主黨林卓廷（阿廷）同民建聯周浩鼎（Holden）喺議事堂傾開偈，原來阿廷同工聯會陸頌雄（阿雄）中學嗰陣都係屯門區中學嘅籃球校隊，仲只係差一屆。無他嘅，兩位係立法會頭三位高嘅議員其中之二，兩位都高逾六呎，打籃球確係有優勢。
傾傾嚇，被大家講咗好耐嘅阿雄都出埋嚟傾，雖然事隔多年，阿廷同阿雄兩位對當年比賽都無咩印象，不過佢地估計，應該真係有同對方同場較量過！有行家就建議，既然立法會都有足球隊，不如都組返個籃球隊玩下，連打開欖球嘅Holden都話相當有興趣玩下喎。
