Starry問大家佢哋三個加埋會唔會過六百磅。網上圖片
立法會尋日續會傾民建聯陳恒鑌(阿Ben)要求政府更新《香港規劃標準與準則》議案。其中一次點人數嗰陣,民建聯主席李慧琼(Starry)就喺社交網站同大家開個玩笑輕鬆嚇。
Starry上載咗立法會最有分量嘅三個議員張宇人(Tommy)、張華峰(肥老闆)同石禮謙(大嚿石)喺議事堂嘅合照,仲加埋caption話:「立法會會議室又打鐘了,三個小子在等開會,他們問我估嚇他們加埋會否超過600磅?我話不知呀,你們話呢?」
鄭晴都唔知啊,但見到有網友好認真咁討論,仲話:「肯定不夠,540磅+-(正負)10磅。」嘩,咁精確嘅,一定係知情人士啦!