Jimmy當選立法會議員後，預計今年要加碼派二千張工展會飛」。大公報記者蔡文豪攝
一年一度嘅工展會將於今個星期六開幕，至出年1月2日結束。行政長官梁振英同中聯辦主任張曉明都會出席開幕儀式。身為廠商會立法會代表的工業界（二）立法會議員吳永嘉（Jimmy）尋日就喺立法會向傳媒派入場券，落力宣傳。Jimmy話，自己今年已經派咗一千張飛，加上做咗立法會議員，多咗人搵佢攞飛，預計今年會派二千張添。
身兼廠商會副會長嘅Jimmy話，自己往年都會入場購物，試過買麵、新款電器同西班牙火腿，大讚價廉物美，有一年仲試過用咗幾萬蚊掃貨，認真捧場。
講到今年工展會，Jimmy話，廠商會今年亦一如既往，舉辦「工展顯關懷」活動，邀請一批基層家庭參加工展會。工展會會場仲會喺除夕夜舉行倒數活動，招待幾千位老人家入場一齊迎接2017年之餘，亦作為廠商會慶祝香港回歸20周年嘅頭炮活動添。
