吳永嘉（前排左三）與廠商會首長留影。吳永嘉facebook圖
立法會工業界議員吳永嘉（Jimmy）尋日請咗一班廠商會首長，包括會長李秀恆（Eddy）、永遠名譽會長黃友嘉、施榮懷等人，去立法會午宴，又參觀立法會大樓同辦公室。
Jimmy之後喺個人社交網頁發布眾人合照，留言話自己以前不時出席立法會嘉賓日午宴，今次就係佢第一次以議員身份舉辦，又多謝咁多位廠商會首長賞面。Eddy話，Jimmy雖然係新丁，但「做得幾稱職」，席上大家都係討論強積金對沖、標準工時同埋更新工業用途定義嘅問題，例如喺標準工時問題上，Eddy就覺得應該定「大框」，唔好定「小框」，即係用僱傭合約寫清楚僱員嘅工時問題，而唔係一刀切咁訂一個標準。
