文｜鄭晴
「佔中」三丑戴耀廷（戴丑）真係好鍾意搞亂香港，繼非法「佔中」、「雷動計劃」同埋競逐高教界選委之後，又有新詭計。佢尋日喺facebook好大膽咁話，「每星期六定時的和平集會又如何能令梁振英及其同類不能做特首呢？」之後又話，如果可以成功阻止特首梁振英連任，可能讓各方喘息，同時亦都可以重新團結香港所有嘅政治力量喎。
戴丑，你瞓醒未呀？你係咪想香港毀滅先會心息呢？上次「佔中」，搞到香港法治淪喪，示威愈來愈激，去到掟磚、縱火。之前又話公開「佔中」數簿？找咗數未呀？至於「雷動計劃」，就違反選民意志，仲要搞到佢啲老友好多都落選，毫無道德可言。今次仲話逢星期六集會，你係咪好鍾意瞓街呢？戴丑，你過曬氣啦！收手吧！
唔係剩係鄭晴咁講，好多網民都鬧爆佢，網民Daisy Lee就義正辭嚴咁留言：「李國章講得啱：大學講師不務正業！同學就抗爭，佢就得把口，而家都未找數！」另一網民Raymond Wu就話：「點解這十惡不赦的魔頭還可逍遙法外，請律政司不要賣同窗人情，司法界頭頭萬不能枉法！」
