佔中三丑戴耀廷(戴妖)真係好鍾意搞亂香港，繼非法佔中、掌心雷動計劃同埋選高教界選委之後，又有新計劃。佢今日係facebook好大膽咁話，「每星期六定時的和平集會又如何能令梁振英及其同類不能做特首呢？」之後又話如果可以成功阻止特首梁振英連任，可能讓各方喘息，同時亦都可以重新團結香港所有嘅政治力量喎。
戴妖，你瞓醒未呀?你係咪想香港毀滅先會心息呢? 上次佔領中環，搞到香港法治淪喪，示威越來越激，去到掟磚、縱火。之前又話公開佔中數簿?找咗數未呀? 至於掌心雷動計劃，就違反選民意志，仲要搞到佢啲老友好多都落選，毫無道德可言。今次仲話逢星期六集會，你係咪好鍾意瞓街呢? 戴妖，你過曬氣啦！收手啦！唔係鄭晴咁講，好多網民都鬧爆你，網民Daisy Lee 話：「李國章講得啱：大學講師不務正業！同學就抗爭，佢就得把口，而家都未找數！」另一網民Raymond Wu表示：「點解這十惡不赦的魔頭還可消(逍)遙法外，請律政司(司)不要賣同窗人情，司法界頭頭萬不能枉法！」
