立法會尋日續會，一早繼續討論周浩鼎（Holden）提出的打擊「假難民」議案，促請政府有關當局盡快研究解決方法。議案最後喺分組點票嘅地方選區投票以16票對16票打成平手而被否決。
陳克勤即時引用報道指，有難民一落機就有法律界朋友等佢哋，幫佢哋做酷刑聲請，又引述報道指，有法官質疑律師行包攬訴訟，證明法律界內真係有害群之馬。Holden最後都有發言，回應反對派話聲請者人數有下跌，問題唔嚴重喎。Holden就解釋，民建聯一直促請政府加快處理問題，人數先有下降，反問以泛民嘅邏輯一直覺得無問題唔作為，人數又點會跌呢？
真係可惜，呢個議案最後過唔到關，但鄭晴聽咗成日，就聽得出邊個憂港憂民有做嘢，邊個齋反對囉。
