歌手蘇永康日前宣布將為人父，佢接受訪問時講到明唔想仔女「背祖忘宗、分裂國家」:「我不想生一個梁天恆」，一石激起千層浪，唔少網民都畀個Like佢。鄭晴都覺得，如果個仔係「本民前」梁天琦同青年新政梁頌恆嘅合體，做父母嘅都幾頭痛。
作為事件主角嘅梁頌恆，前晚就係Facebook回應，貼出母親煲的湯水照片，又引用蘇永康歌曲《不想獨自快樂》的歌詞「我放任自負 懶理會某君不喜歡」，佢留言話「生仔真的唔好似梁頌恆，生存不了的……雖然我無吸毒，但令媽咪終日憂心忡忡，未能與她分擔家裏的重擔，實在心中有愧……有時候我會諗，媽咪生舊叉燒可能好過生我。」不過佢又話，慶幸媽咪同細佬一直撐佢「繼續行正確的路」。唉，真係可憐天下父母心，梁頌恆識得講對阿媽有愧，又識得將「港獨」同「吸毒」相提並論，甘點解有正路唔行要行歪路呢？
