立法會秘書處最遲下星期二刊憲，宣告青年新政梁頌恆和游蕙禎兩人議席懸空，加上政府即將對劉小麗的宣誓問題提出司法覆核，九龍西和新界東隨時要進行補選。曾經因「港獨」立場而被取消參選資格的中出羊子，尋日係本土民主前線梁天琦嘅facebook上留言話：「幫我助選的任務就靠你鳥」，不過梁天琦「O曬嘴」咁回應：「仲嚟？」似乎唔多願意就補選參一腳。有網友留言話，中出羊子搵梁天琦助選等同支持「港獨」，更有網民直斥梁天琦「無恥」，諗住走佬「去外國讀書」。
