大公網12月1日訊 有電視台今日播出前港督彭定康(肥彭)嘅專訪，「一國兩制」差唔多行咗廿年，肥彭似乎都整個落實情況無可挑剔，話整體嚟講「一國兩制」運作得唔錯，又話只要發生法院完全按照政府要求嚟判案、無新聞自由、人民公開批評政府就會被扣押，佢或者會同意「一國兩制」並唔成功，但香港並唔係咁。老實講，「一國兩制」不嬲都係運作得好好，只係一小撮人係咁搞風搞雨搞「港獨」，唔需要肥彭嚟說三道四囉！
不過呢，咪以為肥彭喺成個專訪都講好話? 梗係唔係啦！呢個老政客慣左一啖砂糖一啖麼架拉，佢跟住就提到，《中英聯合聲明》無發揮出最好嘅狀態，而根據《中英聯合聲明》，英國對香港人有責任，又留意到中方官員鮮有提及聯合聲明喎！所以話，肥彭成日都死心不息，香港已經回歸祖國啦！唔係英國殖民地，中央政府一直堅持「一國兩制」、「高度自治」、港人治港嘅方針，香港居民享受到前所未有嘅民主同自由，呢個係無可辯駁嘅事實。香港事務係中國內政，肥彭都係專心食蛋撻啦！
