大公網11月30日訊 香港中小型律師行協會今晚舉辦2016年聖誕酒會，特首梁振英、律政司司長袁國強、中聯辦法律部長王振民、該會創會榮譽顧問譚惠珠、資深大律師兼該會首席榮譽顧問阮雲道都有出席，人才濟濟，成個晚會有近200人出席，氣氛相當熱鬧呢！
當寫到協會名嗰陣，都諗緊▉會唔／會晤▉會有簡稱呢?創會會長陳曼琪(Maggie)就話，出年一月開始，就可以用「香港中律協」作為協會簡稱。呢個決定，真係拍手歡迎呢！講到最新動向，Maggie就話，嚟緊出年二月，協會就會率領大約30至50嘅代表團訪京，但到時拜會邊一位領導人，詳情就稍後再公布。另外，Maggie又話，協會由2012年創立，而家會員人數邁向900人，單單係今年就舉辦12個專業進修課程，7月同8月分別到咗湖南省同埋河南省，與兩省律師協會同埋仲裁委員會簽定「一帶一路」戰略合作協議。祝願協會繼續發展同埋壯大啦。
