香港羽毛球公開賽前排舉行，連政壇都掀起一股羽毛球旋風。青年民建聯、經民聯青委會、新民黨青委會及自由黨青年團，前日就搞咗場羽毛球聯誼賽，互相切磋球技，彼此加強認識。唔少年輕嘅區議員，如青年民建聯主席顏汶羽（Frankie）、民記 「小花」陳穎欣都有拍檔上場，佢哋仲打到決賽，對戰新民黨嘅姚嘉俊同陳敏娟。Frankie同鄭晴講，佢哋好可惜喺決勝局以四分之差屈居亞軍，連球拍嘅線都打斷埋。比賽結束後，四個黨派嘅青委會成員一齊晚飯，仲邀請咗政制及內地事務局局長譚志源（Raymond）分享工作點滴添，原來Raymond以前都係羽毛球、籃球高手，下次年輕嘅政黨成員要邀請佢落場切磋下先得啦。
