政壇而家流行 「小花」,原來民建聯女掌門人李慧琼(Starry)當年都係 「小花」呢。Starry早前就出席師傅民記創黨主席曾鈺成主持嘅商台節目。節目中,曾鈺成自爆二人嘅相識經過,佢話,1999年香港回歸後嘅第一屆區議會選舉,佢當時負責九龍西,有次陪打算出選九龍城嘅趙律師家訪,點知趙帶咗個 「美貌少女」嚟,Starry聽到呢句都即刻笑曬口咁話 「多謝你」。而 「美貌少女」就跟住曾鈺成和趙律師一齊去街坊屋企,嗰位街坊對區內嘅事有好多投訴,Starry就拎出紙筆全部寫低曬,令曾鈺成好驚訝心諗: 「咁pro(專業)嘅」。可能就係因為有 「美貌」又pro,當年得25歲嘅李慧琼首次參選區議會就旗開得勝,並成為當時香港最年輕嘅女性區議員。