自從被裁定喪失議員資格後，青年新政嘅游蕙禎好似潛咗水咁。除咗喺法庭會見到游小姐之外，基本上都好少喺公開場合見到。不過呢，佢尋日喺facebook發帖，話自己「回到黃埔社區，向市民講述人大釋法帶來禍害。無論星期二結果如何，我們將盡力捍衛香港。」游小姐面皮真係好似恐龍皮咁厚，自己同梁頌恆一手造成嘅宣誓風波，令到立法會幾乎癱瘓，居然可以調轉嚟講，話要解釋人大釋法嘅禍害，完全係打橫嚟講。更何況人大釋法根本就係無問題，合法合理。
唔係得鄭晴咁講㗎，好多網友都有留言鬧爆游小姐，甚至連原本嘅支持者都批評佢扮嘢。網民Yama Shan話：「仲好意思出嚟，投票畀你係入去個會議同佢哋抗衡，而家佢哋多謝你喇，最基本嘢都做唔到，仲指意你有咩作為？留返係街頭抗爭學做多幾年人啦你。」另一網民Patrick Lo話：「而加先出來扮嘢，遲唔遲啲呀？青年新症多得你唔少。」所以話，呢啲就叫自取其辱喇。
