圖：韋志成買了銀姐推介的小捲心菜 韋志成網誌圖
市建局中環嘉咸市集早前正式落成啟用，大約十檔原本在附近做開生意的魚檔、肉檔同菜檔搬咗入去，鄭晴聽講，不少商戶都擔心搬舖後，熟客搵唔到佢哋，想市建局幫手做多啲宣傳。市建局行政總監韋志成尋日就在網誌變身「推銷員」，力sell嘉咸市集，平常官仔骨骨打扮嘅韋志成仲話，自己親自去過行「街」買嘢，幫襯有半世紀歷史的攤檔買白糖糕，仲獲推介買小捲心菜、新鮮挪威三文魚，連老婆都大讚「買餸初哥」買到靚餸。
韋志成話，市建局希望嘉咸市集可以延續行「街」買嘢的地區文化，所以鮮貨零售中心設計到兩面臨街，咁商販就可以繼續以「街舖」形式經營。佢哋仲花心思改良咗街市設計，例如幫海鮮檔安裝由上層上落貨區直達下層舖位嘅鹹水喉管，令鹹水可以直達舖位，唔使一桶桶咁搬運鹹水。
佢又話，嘉咸市集除咗可以搵到新鮮食材，仲好有人情味。賣白糖糕嘅大妹姐同二妹姐、賣菜嘅銀姐、賣魚嘅郭太、仲有賣果菜嘅華叔同華姐，大家有傾有講。韋志成話，希望商販和廣大市民繼續支持市建局呢嗰重建項目。
