大公網11月20日訊 劉小麗呢排官司纏身，到底仲有無得做議員呢?就要由法官裁定啦！不過無損佢喺旺角街頭搞「民主教室」嘅心情。佢話，的確有壓力，但仍然會堅持講民主自決，假如怯就會輸一世，一畀人打壓就跪低，只會輸得更多，輸咗嘅只會係民主運動嘅骨氣，絕對唔會為香港人跪低喎。嚟緊呢幾個星期亦會請唔同嘉賓演講，擴闊大家對民主自決嘅想像。尋日路經旺角，咁岩就聽到呢番說話，不過現場所講，幾乎清一色都係六十歲以上嘅叔叔伯伯，三、四十人聚咗係度，有啲仲專登搵小麗老千影相添！睇嚟佢真係阿伯殺手啦！
既然老友記咁鍾意小麗老千，咁佢就唔好唔記得當日嘅承諾，之前實牙實齒話捐出一半立法會議員薪金，同長者同甘共苦，又話將筆錢成立社企服務老友記?找咗數未先?嚟緊天氣轉冷，老友記怕凍架，小麗幫咗佢哋未呀?
