大公網11月20日訊 機會嚟啦！禮賓府下個星期日，即係二十七號開放俾公眾參觀，參觀時間由上午十點去到下午五點。到底有咩睇呢? 禮賓府本身係法定古蹟，平時特首舉行官式活動或者接待賓客嘅地方，公眾都可以入去參觀。除此之外，公眾亦可以係禮賓府嘅花園賞花。如果唔知道係咩花，公眾係可以用手機掃一掃，配合相關嘅程式，就可以睇到花嘅資料，亦可以知道禮賓府嘅資料呢！
禮賓府上次開放就係今年三月十三號，當日參觀人數接近8000人。由於估計參觀人數比較多，下午五點就會截止輪候。如果想去參觀嘅市民，就要由上亞厘畢道的東閘進入，遊覽完畢後經正門離開，全程都係單向通行。
