香港律師會會刊《香港律師》最新一期嘅封面故事（圖）係立法會新當選嘅律師議員，封面人物係新民黨容海恩、民建聯周浩鼎和張國鈞、前律師會會長何君堯同工業界吳永嘉。五位新丁議員分享咗投身法律事業嘅原因和經歷，例如何君堯係受佢做律師嘅叔叔影響，從小以對方為榜樣，周浩鼎就話做律師係兒時嘅夢想。五人又講出自己嘅座右銘，容海恩係「先相信，後實現」，周浩鼎係「盡人事，待天命」，何君堯就係「嘗試信任人，亦令人信任你」，張國鈞就引用動畫家Bil Keane嘅名言：「昨天已成歷史，明天遙不可知，今天是上帝的恩賜，因此也稱為當下（present）」，而吳永嘉就係「永不放棄，自強不息」。
