圖：經民聯兄弟送咗煲仔飯蛋糕畀美芬，寓意「同撈同煲」咁話
尋日係經民聯副主席梁美芬嘅生日，當然唔少得一班親密嘅黨友同佢慶生啦。經民聯主席盧偉國、副主席林健鋒、張華峰同秘書長石禮謙，就特意準備咗蛋糕同鮮花，齊唱生日歌。其中一個生日蛋糕仲好特別，似足煲仔飯，除咗代表美芬鍾意食煲仔飯之外，亦寓意佢同經民聯兄弟「同撈同煲」，一齊拍住上為市民做事。美芬同鄭晴講，自己嘅生日願望好卑微，就是希望立法會議員還返個正正常常嘅立法會畀市民，令議會工作可以更暢順。
