大公網11月9日訊 今日美國總統大選，一班立法會議員都好關注結果，開會嘅時候都不忘留意下美國總統選舉嘅點票情況，真係好似跑馬咁精彩。一時就希拉里領先，一時就特朗普反超前。議員步出會議室，同行家嘅話題都離唔開美國總統大選。金融服務界張華峰(肥老闆)就話，雖然特朗普贏咗，香港股市會跌，但長遠嚟講對香港都未必係差。因為對方始於係生意人，佢哋都係要做生意。
另外呢，係暫停會議期間，陳克勤就俾行家影到一路睇公仔書，一路玩手機。嘩，唔係何俊仁睇艷照事件嘅翻版嘛？當然唔係啦，克勤其實係睇緊Bloomberg Businessweek嘅美國總統報道，仲話本來係估希拉里，點知特朗普贏咗。政治一日都嫌長，何況選舉呢！
