青年新政一直被本土派恥笑從未搞過正式嘅遊行或其他抗爭活動，一係就即刻取消。日前梁頌恆、游蕙禎終於現身佔領德輔道西嘅現場啦。表面上佢兩個好似好威，又呼籲示威者最緊要安全，又話可以「野貓式」自由發揮呀，不過梁頌恆就被電視台影到佢點樣退縮啦!例如速龍小隊清場嗰陣，梁頌恆以迅雷不及掩耳盜鈴嘅速度暴走，跑得仲快過保特呀!之後鏡頭一轉，就見到梁頌恆截咗部的士，但傳媒影住，佢唔敢上，但最後都係坐的士離開。唔講仲以為佢係《97家有囍事》嘅周星馳呢!
呢個咁樣「保護」抗爭者嘅做法，就受到各方人士恥笑啦!網民AlEx Wu就話：「私家的士黎!? 你地頂住呀，我走先。」另一網民Claire Cheung就話：「有錢搭的士喎!唔知有冇WiFi、識唔識路呢?」網民Anthony Chan 揶揄：「小學雞，自然地只懂叫，偷食同雞咁腳走!常識吧!」
民意就好清晰啦，但梁頌恆依然死撐，話「我好想問一句這就是傳媒第四權的道德和操守嘛?」嘩，自己走佬被人影到就賴傳媒，梁頌恆都幾無賴囉。
