文 | 鄭晴

　　青年新政游蕙禎同梁頌恆為咗宣誓多次衝擊立法會，仲要建制「泛民」一齊陪佢癲，真係夠曬累人累物。而「惹火」嘅游蕙禎每衝一次，條裙就愈着愈短，前日仲着埋條藍色貼身小短裙，喺議事廳同五、六名女保安「埋身肉搏」，其間條短裙不慎被扯高至大髀以上，而一向豪放唔打底嘅佢更加係露出「裙下春光」，其黑色內褲原形畢露。但最弔詭嘅係，Cheap禎朝早衝擊着迷你裙，夜晚遊行就突然換咗條長裙，尋日朝早上庭仲扮埋文青Look，身穿一條藍色長裙，戴埋口罩包到實一實咁。唔……唔通佢禎fashion sense係唔衝擊唔露腿？

　　條裙愈嚟愈短 迫你睇走光

　　其實游蕙禎明知佢嘅行動一定會產生混亂，但着嗰條裙就一個禮拜比一個禮拜短，仲愈嚟愈貼身誘人；之但係一衝擊完就轉身，換過另一條長身暗紅色長裙參與遊行，唔通真係覺得「走光」博收視會吸睛啲？查實，曾經有傳媒關心過佢「走光」問題，叫佢明知自己要衝擊就着番條長褲唔好「蝕底」，不過呢位「豪放禎」竟然唔當一回事，仲好自豪咁同記者講，自己屋企無褲着㗎，得長裙、短裙、連身裙同熱褲咁話。

　　正所謂「人必自侮然後人侮之」，鄭晴就覺得，Cheap禎既然咁鍾意用公帑豪買新裙新手袋新鞋，好心佢就買番條長褲「返工」啦，費事再逼人見到你露底，到時要洗眼就唔好啦。仲有啊，可能游小姐對自己雙腿好有信心啦，但就有網民建議覺得佢雙腳好粗壯嚇，笑佢好心得閒拉多啲筋，唔好日日喺度「黐孖根」。