我哋尋日獨家報道，梁頌恆背着正印一腳踏兩船，同成日掛住「撲嘢」嘅游蕙禎共築愛巢，喺網絡上引起咗熱烈討論，仲令到一眾「女神游BB」忠實粉絲「波皮黨」嘅憧憬幻想破滅，鄭晴喺度講聲唔好意思先～（按：盲撐游蕙禎網民經常發表怪論護航，但從未被游看上甚至不認識，「連游蕙禎嘅波皮都未掂到」，被謔稱為「波皮黨」）
梁、游尋日亦有回應本報，但就無否認過報道內容，梁頌恆回應稱「我都話飲嘢要低調」，又tag埋報道入面同佢喺西環酒吧飲嘢嘅朋友。游蕙禎就讚「篇故又幾好睇」，仲疑似耍花槍喺梁fb留言話「可唔可以重申我唔好阿叔」。咦，咁算唔算變相承認你哋嘅關係？Any肥，而家有得照出議員份糧共富貴，遲啲一齊加入失業大軍，可唔可以共患難呢又？
