圖：大嘥鬼今次反串扮小丑女Harley Quinn
「trick or treat？」一年一度萬聖節又嚟喇，今日肯定周街都係「鬼」，各位「低頭族」要小心，否則好易「撞鬼」！
人人都扮鬼扮馬，又點少得最貼近潮流嘅大嘥鬼呀，大嘥鬼今次仲反串，用隻拖把整咗個新髮型，扮電影《自殺特攻：超能暴隊》裏面嘅小丑女角色Harley Quinn。佢仲提醒各位，「今年成條街都係Harley Quinn，但係好似我咁廢物利用，自製環保戰衣，條街應該無乜邊幾個喇！」
大嘥鬼又有道理，套戰衣一年先着得嗰一次，環保啲好！佢仲提醒，除左衫之外，糖食唔曬就唔好要咁多呀，萬聖節都仲提多次「#記得唔玩熒光棒」，話時話，中秋過咗好耐啦！
